موقع قبیلة الظفیر العام و آل سویط الخاص

رسم لشيخ عربي في منطقة الحجاز 1871م

عين حمود شيخ الظفير في العراق

وادي الکصير 

فروع و افخاذ السويط شیوخ قبیلة الظفیر

-العفنان

-السلطان

-البطاح

-الضویحی

في ما جاء بكتاب البدو تاليف: مكي الجميل

الشیخ هدروس بن رومي بن شهيل بن سلطان السويط

المولى مطلب بن نصرالله المشعشعي حاكم الحويزة .

الشيخ  عجمي بن شهيل ابن سويط  (رحمه الله تعالى)

اب لكافة ابناء قبيلة الظفير والذي له دور كبير لابناء القبيله فهو كان الاب لصغير واخا لكبير


أبنائه:
الشيخ عبيد بن عجمي بن سويط(رحمه الله تعالى)
الشيخ شهيل بن عجمي بن سويط(اطال اله في عمره)
شيخ قبيلة الظفير الحالي: فيصل بن عجمي بن سويط (اطال الله في عمره)


سـيرته الطيبه:
توفي الشيخ عجمي بن سويط عام 1988 م ولقد كان يوما حزينا لكافة ابناء قبيلة الظفير فكان رحيما جدا لابناء القبيلة وكان له دور بارز في تجنيس كافة ابناء قبيلة الظفير بالجنسيه السعوديه

الشيخ عجمي بن سويط من مشايخ قبيلة الظفير ويعتبر شيخ حكيم ذو نظرة بعيده تفوق نظرة الإنسان ( البدوي ) الرحال حيث كان يفكر بالمدينة ونتج عن تفكيره بان أوطن قبيلة الظفير المدينة ويعتبر بمثابة الأب لأفراد القبيلة

تقدم الشيخ عجمي بن سويط رحمه الله بطلب مخطط في مدينة حفر الباطن يكفي لجماعته وصدر امر في اعطائه وجماعته ما يكفيهم وعمل ثلاث مخططات تحتوي على 2615 قطعة وزعت عليهم عام 1396هـ تقدم عجمي بن سويط شيخ قبيلة الظفير رحمه الله بطلب هذه بئر الصفيري(هجرة الصفيري) من جلالة المغفور له الملك عبدالعزيز ال سعود رحمه الله ثم تقدم مرة اخرى بنفس الطلب من جلالة المغفور له الملك فيصل رحمه الله الذي امر بإعطائه بئر الصفيري لإقامة هجرة له وجماعته عليها وفي عام1388هـ بدأ ابن سويط وبعض جماعته في بناء مساكن لهم في هذا المكان ثم تقدموا بطلب اعتماد مخطط لهجرتهم وتم ذلك عام 1400هـ

ملاحظه: هذي ليسة السيره الكامله لشيخ عجمي بن سويط بل نبذه مختصره جدا


مأثر الشيخ الوالد عجمي بن شهيل بن سويط(رحمه الله تعالى)

سوف اروي لكم موقف حدثني فيه احد كبار السن اسمه (ابو سعود) وهو ظفيري ممن لازال ينبض قلبه وفاء وعرفان لهذا الشيخ الشهم الامير .. يقول ابوسعود في عام1374 تقريبا اي في 1955 ميلادي تقريبا كان عمري بحدود 14 سنه وكان التسجيل في الجيش السعودي على زمان الامير منصور بن عبدالعزيز في مدينة الخرج في القاعدة ...اراد ابو سعود ان يلتحق بالقوات المسلحة وذهب الى الامير عجمي وكان في بيته الامير في سماح شمال حفر الباطن ويقول ابوسعود وصلت هكالليلة الى المضيف واليا المضيف مليان من العالم من كل شكل ولون اللي له حاجة واللي جاي يسلم على الامير وغيره وغيره.. المهم اول ليلة ماتهيالي اكم الامير برغبتي نظرا لصغر سني وزحمة الناس وثاني ليلة ايضا ويوم جات الليلة الثالثة وانا استدني واحدن من الموجودين عند الامير واليا هو شايب ذكر لي اسمه المهم طلبت من الرجال ان يوصل رغبتي للامير وتم لي ماردت فناداني الأمير وسالني من اكون وابن ومن اي جهة قدمت وحاول ان يثنيني وقال لي بلهجة الاب الحنون الخائف على ابنه الغض ياولدي ترى الديرة بعيدة وبيننا وبينهم قبيلة معادية اخشى ان يروك لوحدك ويستفردون بك و...و...و... واكثر من الالحاح علي لكي يثنيني فلم يجد مني رحمه الله الا المزيد من الاصرار على الذهاب فلما رأى حماسي ورغبتي الاكيدة قال لي طيب امرح الليلة ومن اصبح افلح.. ويوم جا الصباح الا سيارة البريد توها جاية من الشمال ومتوجه الى الاحساء وهي تنقل البرقيات والبريد من شيوخ المناطق وشيوخ القبايل الى الحكومة السعودية .. وعقب ماستلم الامير عجمي من مندوب البريد الاوراق الخاصة به وارسل ما اراد ارساله قال لصاحب البريد هذا حمد ولدنا توصوا عليه وتراه ولدي وابيكم توصلوه للدمام حتى ياخذ القطار من الدمام للخرج وانتبهوله ... وقاله راعي البريد سم يالامير وهو يعطيني ورقة ويختمها وعطاني مقسوم الله وذهبت الى الخرج والتحقت بالعسكرية ...

من مواقف هذا الراحل الشهم ... انه وفي احدى زياراته الى مدينة الرياض لمقابلة المؤسس الراحل الملك عبدالعزيز ابن سعود وكان السفر في ذلك الوقت على الهجن والجيش وكان معه مايقارب اربعين رجلا من الظفير ومن خاصته...

وعندما انتصفت ركايب الأمير عجمي بن سويط في الطريق الى الرياض وهم يتريحون في هكالفيضة ( الحاصبيات) في الصمان وهم ينزلون ويشبون نارهم ويقوم الأمير بنفسه المتواضعه وهو يشب النار ويوحف الدلال يبي يزين القهوة لربعه .. ومادروا الا هكالمطيري المقبل عليهم .. شاف الركايب ونشد منهم هذولا قالوا له هذا الأمير/عجمي بن سويط وربعه متوجهين يم ابن سعود ... وتوجه المطيري يبي يسلم على الأمير عجمي ويوم وصل المجلس وهو يحاول ان يدور الأمير اللي المفترض انه يكون على شداده والعبيد يمينه ويساره وربعه يحوفونه وهو مادن رجليه مثل معظم شيوخ القبايل.. المهم يومن بحل الطيري وهو ينشد الأمير وينه ؟؟ قالوا الربع الجالسين هذاك الأمير وهم يشرون للرجال اللي يحوف الدلال .. قال انا ولد ابوي تلعبون علي .. انا سايلكم بالله وين الأمير قالوا الجماعة والله ماقلنالك الا الصحيح .. وعندها المطيري استدرك وقال ياحظك فيه يالظفير وياحظه فيكم .. انشد انه الشيخ ابن الشيخ ابك يزين القهوة لربعه وجماعته وهم جالسين متريحين .. والله لو تشوفون اشيوخنا يامطير اننا نوطي على خشومهم نسلم عليهم .. الواحد منهم شايلن نفسه وزامن خشمه..


ولعل هذه السالفة من مآثره والتي تدل على تواضعه الجم رحمه الله تعالى....


الملاحظات:1- مصدر المأثر موضوع / متعب السعيدي الظفیری
2-هذا ليس مأثرالكامل لشيخ عجمي بن سويط(رحمه الله تعالى) بل نبذه مختصره جدا


وهذي قصيده مرثيه لشيخ الوالد عجمي بن سويط ( رحمه الله تعالى)

لشاعر مطلق زياد العريفي


قال الذي فى نادر القاف يـــــــــزداد
بغيت أعبر عن خفــــــايـــا مــرادي

رتبـــت قافي عن حكي كل نقـــــــاد
لو دار مايلقي عليه انتقــــــــــــادي

البارحه ما هملج الجفن برقـــــــــاد
والعين مني ما اهتنت بالرقــــــادي

باسباب علم حط بالقلب وقــــــــــاد
وكن الضمير بوسط حامي الوقادي

قالوا توفى شيخنا رمز الامجـــــــاد
وكثر التمني ما يجيب الفــــــــوادي

مرحوم يااللي بالصعيبات ســــــداد
ويا عز من حده من الوقت حـــادي

عجمي السويط اللى للامجاد معتـاد
شيخ على زود المناعــــــــير زادي

فك السجين اللي للاعدام ينقــــــــاد
وخلاه ينعم بالـسنـيـن الجـــــــدادي

زبن الدخيل اللي تقفاه طــــــــــراد
تشهد له شيوخ العرب والـبـــوادي

وكم واحد من عقب الانكاف ماعـاد
ايام دور مقولمـــات الـتـــــــــوادي

يشهد اللي حاضر دور الاجـــــــداد
ويشهد له التاريخ سقــم المـــعادي

وكم واحد جاله على العلم نشـــــاد
بده ابو فيصــــل على كل بـــــــادي

افعال ابو فيصل بلا عـد واعـــــداد
ماتنحصي لو تنبغـــــا بالعــــــدادي

راعي العلوم الخالده نسل الاجــواد
سويطات لاطال المـــدى والطرادي

زادواعلى بعض العرب عدة امجاد
شي صحيح موكد باعتمـــــــــــادي

الاوله: ذبحت ولدهم بلا مــــــــراد
باسباب جار البيت شي وكـــــــادي

وعقوب يومنه تنخا ولاعــــــــــــاد
باسباب صيحة جارة له تنــــــــادي

زهاد وصفه بالرجاجيل زهـــــــــاد
وآخر حياته ضربته للشـــــــــدادي

والحثربي فكوه والجمع هـــــــــداد
سويطات يومنه يناد المنــــــــــادي

هذي ثلاثه من كثيرات الاعـــــــداد
شي وكاد ولايبي له اشهــــــــــادي

وعقاب هو ومسير الخيــــــل وراد
يردون حوض الموت ضد المعـادي

وابن ضويحي للمعاديــــــــــن رداد
افعالـــــــهم ماهـــي علوم جـــدادى

مرحوم ياللي بسيرة الطايله جــــاد
جاد الامير اللي بالامجــــاد جــادي

باذن الذي له جملة الناس سجــــاد
عساه في جنة نعيـــــــم يـــــــزادي

خلف لنا فيصل بالامجاد ســــــــداد
حر ينومس في نهار الهـــــــــدادي

وشهيل ذيب الصعيبات يـــــــــزداد
يبين لازاد الطنــــا والنكــــــــــادي

تم الكلام وقال فيه ابن زيــــــــــــاد
بينت ماكنــــــه خفـوق الفــــــوادي

وصلاة ربي عد بارق ورعـــــــــاد
على نبي وصــح الحــق هـــــــادي



وهذي قصيده لشاعر عبدالكريم الظفيري(برق الشمال)
رثاه الشعراء ،، وبكت على رحيله العيون ،، وبقيت وستبقى سيرته العطره في القلوب


القلم يعجز إعن الوصف لامنه كتب
سيرة الشيخ عجمي .. شيخ عربان الظفير
طّيب المولى ثراه ودراه من العتب
وأدخله في جنة الخلد .. وأسقاه الغدير
ما وقف فعله على حّد ربعه وإنهتب
شيخ لامنه نوا شي .. بأذن الله يصير
بالشهامه والمّروه ينال أعلى الرتب
وبالكرم هّداج تيما .. وبالشده عسير
من البطن للباطن السلم والأمن إستتب
كل ظفرا تحت ظله .. بنعمه وألف خير
بالقلوب إسمه مّطرز وبالدم إنكتب
نكتبه ... نمليه ... نقراه .. للطفل الصغير
بأذن من بأمره يّد أبو لهب تبت وتب
الإله .. الخالق .. الواحد .. الحي البصير
يا إلهي يا منّزل على الرسل الكتب
ترحم اللي يكرم الضيف ويعّز القصير

شرطة البادية عام 1975

مشجرة عائلة العدوان منهم الفارس المشهور نمور بن عدوان و في ما قيل بنسبهم أنهم ینتمون إلی قبيلة الظفير

الأولى قصيدة مشتركه من مجموعة شعراء من الظفير

حنا الظفير .. وفعلنـا يرفـع الـراس=والكـل منّـا عـاش مرفـوع راسـه

حنا صنعنا المجد فـي يـوم ٍ إعمـاس=يوم العرب تشكـي حـروب و تعاسـه

حنا ذهب صافـي مرصّـع بالألمـاس=و كـل ٍ علـى الزلـة شديدإحتراسـه

حّنا هل الفزعات فـي موقـف اليـاس=نجلي عـن المضيـوم همّـه وباسـه

حنـا بخوّتـنـا مـعّـزة ونـومـاس=حنا الفخر.. اهلـه و ربعـه و ناسـه

حنا المزون السود صعبيـن الأمـراس=معانديـن المـوت .. نشـرب بكاسـه

حنـا لهـا يـوم إن الافكـار تنحـاس=وكـلاً علـى ماقيـل يلبـس مقاسـه

أفعالنـا عنـد العـرب مالهـا أقيـاس=واللـي يعادينـا تجـيـه إنتكـاسـه

ظفران؟ اي والله من العـرق للسـاس=ثوب الفخر.. و الطيـب حنـا لباسـه

مافيـه شكـه لا ولا فيـه وســواس=صغيرنـا للطيـب يــدرس دراســه

عدونـا بالحـرب يبشـر بـالأفـلاس=وقصيرنـا بالطيـب نضـوي عماسـه

ودخيلنـا بالضيـق عليـه حــراس=نغطي عليه رجـال عـون و حراسـه

يوم الكريهه يـوم حبسـات الانفـاس=تلقـى لنـا صولـه وعـز وفـراسـه

لو تجتمـع كـل القبايـل فـلا بـاس=كلن على الطـولات معـروف ساسـه

وشيوخنـا بالعـز والـعـز نـبـراس=اهل الكرم والطيـب واهـل الشراسـه

انخا السويط إن كنت تشكي من الاتعاس=أنخا الشيوخ أهـل الفكـر والسياسـه

ومنّا السعيد اللي على الحرب شـراس=أهل الفخـر والجـود وأهـل الرياسـه

ومنّا الكثير اللـي ليـا هـب نسنـاس=عدوهـم تظهـر عـلامـات يـاسـه

وقـت الشدايـد لا لفـا كـل عبـاس=ربعـي يعيشـون المعـادي عبـاسـه

و منا الجواسم ما وطوا درب الادنـاس=اهـل العلـوم الغانمـه و الحمـاسـه

و منا العريف اللي كمـا هـد قرنـاس=ترخـي الجبـال العاليـه بالسيـاسـه

و حسناننـا ايـااام تقطيـع الارمـاس=مثـل الشـرار تخـاف شـر التماسـه

و ذرعاننا للمجـد حبـر ٍ و قرطـاس=مسطريـن المجـد طيـب و ضراسـه

ولادندندت صوت المياديـن باجـراس=عسكـر ابـد مايعـرفـون انتكـاسـه

وان كنت ناوي معرفـة قـوة البـاس=تلقا اعلجاني طيـب مـع قـو باسـه

والا معدانـي ضربتـه كنهـا الفـاس=يوطـى علـى صابـر عـدوه مداسـه

حنا على الطولات مـا نعـرف اليـاس=نرقـى الطـوال ونستحـل الرئـاسـه

تشهـد لنـا كـل المخاليـق والنـاس=الكـل منـا عـاش مرفـوع راســه

قصة صنتیان السویط مع جاره الخالدی

من قصص إكرام الجار عند العرب 

هي مواقف بها من شيم العرب الأصيلة والنبيلة ، والتي تتوارد بين قبيلة وأخرى وتتفاوت في الشهرة وذيوع خبرها ، وما نريد إلا توثيق تلك المآثر والمناقب والتي تحث على الطيب ، والبعد عن الردى 

فی سنة 1318هـ – 1902م کان الشیخ جعيلان بن نايف بن سويط امیر قبیلة الظفیر .القصة حدثت بين الشیخ عبدالله بن منديل شيخ العمور من بنی خالد الذين كانوا مجاورين لآل سویط و بين ضاري بن صنيتان بن نایف السویط.