موقع قبیلة الظفیر العام و آل سویط الخاص

‏••
-

من القصائد المحببة لكبار السن من قبيلة ‎الظفير ، قصيدة المرحوم شاهر التيمان الذراعي التي قالها وهو على فراش المرض قبل أكثر من خمسين عام ..

انا مريض ولا يفيد الدوا لي 
اشوف حالي كل يومٍ بحادور 

شفّي لبدوٍ منتوينٍ شمالي 
لا زاع مظهور وتقفّاه مظهور 

زاع السلف واقفى الظعن باحتمالي
عجلٍ شديد البدو مع فجّة النور

ياما زما من دونهم كل جالي 
يبون وسمٍ بأول الوقت مذكور 

وسميّةٍ حدّه حقوق الخيالي 
امن العظامي سيّلت حابة الخور 

ومن الجذع للعجرشي للحبالي 
وحزم الجليبة والجَرَع منه وحدور

ثِمّن لويحظ من مجاريه سالي 
بامر الولي لاما ضرب كفّة الهور 

وبلٍ وقع في وسط هاك السهالي 
من كبد للداير ليا جو باكور 

نبته تساوى من جنوب وشمالي 
هو منوة اللي له مع البدو مظهور

هذاك يا دكتور هو شف بالي 
هو منوتي لو كنت انا اليوم مخطور

مع لابةٍ للجار ريف ودلالي 
يتلون اخو سلمى عديمٍ ومسطور

ياما ارخصوا لجيرانهم كل غالي 
يشهد لي التاريخ ما اقول انا زور

ظفران ياما دلّهوا كل جالي 
واليا زبنهم مجرمٍ نام مسرور 

الحثربي يوم اكتراب الليالي 
عقب الدّرَك يمشي على نايف القور .

الى آخر القصيدة ..
-

توفى شاعرنا الكبير في عام ١٩٧٩م بعد معاناة طويلة مع المرض ، نسأل الله له الرحمة والمغفرة وحسن الثواب .

والنعم والنعمين بالشيخ وبدان
المرجله من صغر سنه يرومه
يا ذخرنا يا عزنا طول الازمان
شيوخنا روس الرجال محشومه
يبقا لكم فعل(ن) وعلم وعنوان
الكل منكم ما تخونه اعزومه

أبيات من فن العرضة النجدية للأمير والشاعر حمود العبيد الرشيد ، قيلت بعد معركة المليدا " الضلفعه " التي وقعت في عام ١٨٩١ ميلادي . 

يالله اليوم تجعل حرفنا 
نصرة الدين هو والشروعي 

يوم سرنا وسارت عطفنا
وارزت الخيل هي والجموعي 

تو ما قرد عقب اعرفنا
هو زامل ٍخبيث الطبوعي 

يوم ثار الدخن وارتجفنا
وانتخينا بخطو الفروعي 

ما صديقك يطيح بحظفنا
والهنادي تقـص الضلوعي 

كم عديم ٍ لراسه شلفنا
وين زامل وهاك الربوعـي 

والله انّا عليهم وقفنا
موتي مثل افام التبوعي 

بالمليدا عليهم عكفنا
كل طير ٍ وضبـع دنوعـي 

سمْحت النفس باللي صرفنا
يوم صاروا سوات الجذوعي
 
وأنت يا جاهل ٍ فـي شرفنا
ما شرفنا بزرع الزروعي 

كـم عقيـد ٍ لوثـره جعفنا
من مصانيم بيض الدروعي 

بالحماده شيوخ ٍ جرفنا
حيهم مات فقر ٍ وجوعي

يوم أخذنا الايمام انحرفنا
قبل يبرا الحفا والطلوعي 

في ثميل وابا القير شفنـا
وسمعنا عليهن نجوعي

اتّكلنا على الله وحفنا
والسّنع من وليّ السنوعي 

الشعالين بأيسر طرفنا
والسويطات معنا فزوعي 

عقب عشرٍ وعشرٍ رجفنا
كل نزّال هاك الضروعي 

طرشهم يوم شفناه عفنا
طرشنا من كبار الضروعي . 

المصادر : 

⁃ القصيدة كاملة برواية المؤرخ نايف الصنيدح الشمري . 

⁃ وورد احد الابيات في كتاب القصيم عبر التاريخ في الجزء الثالث .

علمٍ لفانا من شمال 
يِذكر ابن مسير طنا

هدّاد يا طير الفلاح
اللي على الساقه ثنى
-
احدية لشاعر من قبيلة مطير قالها في الفارس : هدّاد بن مسير بن نايف بن سلطان ابن سويط .

ويقول شاعر ظفيري : 

ياهيه ياراكب الثنتين 
ذلول هدّاد وعياده 

وحده تسلّم على الادنين 
واخرى تنصّاه ببلاده . 
-
هداد هو هدّاد بن مسير بن نايف بن سلطان ابن سويط . 
عياده هو عياده بن رشم بن حاكم بن سلطان ابن سويط .

يقول الشيخ الفارس حمود بن سويط شيخ قبيلة الظفير الملقب (الداهيه) 

لو تسفهل النفس ساعه اسبوعه 
قامو يعقدونه مقابيس الاشرار 

من لاصبر بالقيض ماحب كوعه 
عزالله اني يافتى الجود صبار 

مقابيس الاشرار =مثيرين الفتنه 

ظفران ستر الجادل اللي تذيّر 
لاصاحن الخفرات جو فازعيني 

ظفران للاجواد ماهم مطيّر 
ارداهم اللي يشبع الجايعيني 

اهل البويت مزبنين المنيّر 
من ماضي الازمان يالعارفيني 

- نهير ابن نمش الشمري . 

‏

أبيات للأمير والشاعر تركي بن عبدالله الهزّاني ( ١١٣٧هـ - ١٢٦١هـ )
قالها مُعبراً عن فرحة أهل نجد بعد هجرة قبائل بني لام وعائذ وعامر وعقيل من نجد : 

خبّرهمُ واعلن الأنباء مُشرقةً 
أن الامام بأمنٍ والعدا رحلوا 

نجدٌ بهِ قد تبدّت في تألُقِها 
كصخرةٍ يتهاوى عندها الوعلُ

هيهات تخشين بعد اليوم شانئةً 
فدونكِ الصيدُ بالأسيافِ ترتجلوا

فعائذٌ مع لامٍ قد جلوا ومضوا 
مع عامرٍ وعقيلٍ قبلها ارتحلوا

فقرّي عيناً فقد زالت شرورهمُ
وانزاح همٌ وعاد الصفو يَحتفلُ 
-

( الامام المقصود هو : الامام تركي بن عبدالله ابن سعود ) . 
( قبائل عائذ من ال الصقر من ولد الحارث بن كعب ) 
( قبيلة لام من طي تفرعت منها قبائل كثيرة أشهرها هم الظفير والفضول والمغيرة وال كثير ) 
( عامر من خثعم من بيشة ) 
( عقيل من بني كعب من الحارث ) 
-

مخطوطة الصويغ - ص١٨٤
قصيدة لـ مانع بن سويط 
-
ياذيب ياللي تفرس الناس بالناب 
قزّاك عن كثر الفرايس ذيابه 

قزّوك ربعي تو ماجوك غيّاب 
واسقوك مرًّ عقب حلوٍ شرابه 

ومن ناويٍ تاكل على حال الاقراب 
ومنك البوادي ما توكّد حسابه 

ثورت حربٍ نايمه يا با الاسباب 
عمّال كم نفسٍ تحوْري عذابه 

واليوم ياعشوان ترهي بالاسلاب
كنّك قعودٍ جايبينه نـهـابـه

" وين ربعي وين غلمان الظفير " 
-مرضي العرار .

الشاعر مرضي العرّار هو ابن العقيد الشجاع والقاضي العارفه " شويطر العرّار ابن واسم الرسيمي الظفيري " ، والعرّار هو لقب لشويطر وقصة اللقب كما يُقال هو ان بن سويط اراد ان يغزو على قوم فخالفه الرأي شويطر ، وانسحب من جيش ابن سويط وغزا قوم اخرين فكسب منهم ابلاً كثيره ، فسُمّي العرار من ذلك اليوم واصبح لقباً له ولذريته . 

اما حديثنا اليوم فهو عن الشاعر العذب مرضي بن شويطر العرار ، تميّز رحمه الله بجزالة الشعر ، وسداد الرأي ، والشجاعة والاقدام مع اللين والرحمه ، وقد كان كثير السفر والترحال ، ومن اخباره انه عندما كان مقيماً في الاردن في عام ١٩٣٠ م تقريباً ، اخذه الشوق والحنين لابناء عمومته الظفير .. فقال قصيدته المشهورة نذكر منها بعض الابيات :- 

ياقلب ياقلب العنى ما تهيدي 
عند السويط معلقٍ تقل بشطان 

صبرت انا والصبر ماهو مفيدي 
كني غشيشٍ حارب الرعي مرضان

اقصى الضماير غادياتٍ هميدي 
ودمعي تنثّر فوق خدّي والاوجان 

قلبي مع اللي يبعدون الشديدي 
اهل بيوتٍ شمّخٍ تقل جيلان 

والشوزني بايمانهم له رعيدي 
صقّارةٍ بطيور حرٍ وشيهان 

ودوم الليالي عندهم تقل عيدي 
زودٍ على لحم الحباري بخرفان 

رفاقةٍ يـا قِشرهم للضديدي 
ذبّاحةٍ لعيالهم عند جيران 

همّي عليهم كل يومٍ يزيدي 
وابكي على ورثات نايف وسلطان 

فهود الرجال اللي خبرهم بعيدي 
لاكفكفوا ظفره ودِوّه بـ عبدان 

اخوان رِدة كاسبين الحميدي 
اهل البويت اللي على دور حمدان 

والا الضويحي مبردٍ للحديدي 
الحكي ياقف لا وصل للحجيلان . 

-  والقصيدة أطول من ذلك ، من أرادها كامله يجدها في ديوان شعراء الظفير صفحة ٤٣٩ . 
 —

ومن ابياته التي قالها في غربته متوجداً على جماعته :- 

اشهد ان الاجنبي ماهو بخير 
عزتي له ما يلاقي له وقار 

لو يفرّش مقعده زل وحرير 
لا يجونه ولا يصير الْه اعتبار 

وين ربعي وين غلمان الظفير 
اذكر الله كنّهم صطرة حرار 

وين خالد شوق من لبسه حرير 
اقطم الجنحان عجلٍ بالطيار 

مايَعدْل الميل يا كود البعير 
وما ينقّز بالعصا كود الحمار .
 -

وله قصيدة يمدح فيها ربعه الرّسمه " عيال العود " ، ويسندها على بدر الضويحي " ابوعزيّز " :- 

يابو عزيّز حريبك ينلعن حيّه 
عدّي مع اللي حضور ولو انا غايب 

شريت لي بندقٍ محلا مراميّه 
ابغى اتقلّد بها لا قبقب الخايب 

حنا لكم كردتن بالضيق مشريّه
ربعٍ تعرفوننا من خلقة الشايب 

رجّالنا ينطح العشره هي النيّه 
وان حظّبتنا اللوازم مابنا هايب .
-

وكان رحمه الله يتميز بالجرأة والشجاعة والقصيد العذب ، ومن اشهر ابياته هي التي قالها عندما كان معتلي جبل سنام اللذي يقع في شمال الكويت :- 

ياسنام الضلع ياليتك اخوٍ لي 
لانخاف ولا نذّل من الجموعي 

الضحى من اليوم ناخذ من يهلّي 
ما حلا بصويحبي دقّ الردوعي 

لي عشيرٍ مافتح عدله يجلّي 
ماتخطّى بالبلد زين الطبوعي 

ليت خلي بالشفايف مرخصٍ لي 
يابعد من هي على نجعه تسوعي .
-

ومن ابياته التي تدل على لطفه ورحمته  هي التي قالها مخاطباً بها ابناء عمومته عندما ارادوا ان يرغموا احدى بناتهم على الزواج من ابن عمها على غير رضى منها .. فقال :- 

يالسوالم اطلبوا ربٍ كريم 
خلوا البنت اليتيمه في هواها 

لعنبوكم ماهو من قل الحريم 
مابقى من عمرها شييً وراها 

ميبسينٍ قلبها يبس الصريم 
حارقينه لين لعّنتوا ثواها 

من يريد الاجر ونهور النعيم 
يترك الانثى ولا ياخذ خطاها. 
-

ومما قال أيضاً : 

الشواعير من جيلي تخورج
            كما يخورج خرب من حراره
والجراد الحمر جاكم مطورج
           قد مشى الجند واعجبني صفاره .
—-

هذه بعض قصائده التي استطعت جمعها ، ونتمنى تزويدنا بقصائد هذا الشاعر الجزل في التعليقات ،
رحمه الله الرحمه الواسعه وادخله في فسيح جناته .

المصادر :-
⁃كتاب الذكريات الخالدة لـ شباط الصميدي
⁃كتاب تنوير المسير لـ عبدالله العسكر
⁃كتاب شعراء الظفير لـ محمد مهاوش
⁃وايضاً اعتمدنا على الموروث الشعري القبلي 
—

‏•

" من هل الشام مدري من ظفير " 
-

كان الكثير من أبناء البادية اذا أراد أن يرفع من شأن ابله ينسبها الى ‎قبيلة الظفير ، فيقول انها جائت من قبيلة الظفير ، والشواهد في ذلك كثيرة لكن نذكر منها ابيات من موروث قبيلة عتيبة الكريمة اختلفوا الرواة في شاعرها فنسبوها الى كل من :-

بطحي الغنامي ‎العتيبي
وصنهات الخفشاء العتيبي 
وعسير العطاوي العتيبي
وحبيب بن نعيم العازمي العتيبي
-

أراد الشاعر أن يمدح ناقته فقال :- 

سابقي جات من مطلاع شمس
من هل الشام مدري من ظفير *

كل يومٍ تزود اطيب من امس
والحقب ساج والشوفه نظير

ماتداني العصا لو كون لمس 
يوم توحي الموده تستذير

ما حلا فوقها نقل ام خمس
منوة القرم  وارزاقه تسير

مانشوف الامارة غير رمس
من وحمها العمامة تاتطير

وان حمسنا الضما والقيض حمس
ما قلط قدمها بنت البعير .

( وفي رواية : من هل السِيف مدري من ظفير ) .

-

صورة نادرة للشيخ قبيلة ‎الظفير حمود بن نايف ‎السويط وأبنه برغش .

رحم الله داهية الصحراء ، برغش اكبر عيال حمود اللي يجهله الرواة بسبب موته بعمر صغير وبقي حمود بكنيته " ابو برغش" ، يقول الفارس علي الضويحي أثناء سجنه مع حمود ببغداد :

يا طارشً يم الشريف
وصل لابو برغش سلام

بالليل طعامي رغيف
والعين عيت لا تنام

ابيات بشيخ الصمدة اباذراع اخوسلمی

یا راکب حر خفيف المعاليق

اقده و زوّد یالمعنّی مسيرة

قصيدة فصحی في قبيلة الظفير للشاعر وليد بن سهیل الفوزان النابتي المعلومي الظفيري

بحق الظفيرفواز بن سويط


قال الذي من زين الاشعـــار نظــــــــم & يقدي المعاني قبل يحــدث خطاهــا



من عادته لا قال للقـــاف يحكـــــــــــم & ارزام سحب والشمــال يحداهــــــا



جواهر من داخـــــل القلـــب تــــــرزم & والشط فيض بالقــرام وملاهـــــــا



الرس مايوصف ولا يشبــــه الجـــــــم & امدح شيوخ عالــي مستواهـــــــــا



مثايلن عن خاطري تجلـــي الهــــــــم & تدري مواقفها وتكــرم لحاهــــــــا



شيوخ يخلا لجاههم غالــــي الــــــــدم & نسل الفهود اللي بعيــد مداهــــــــا



شيوخ على طرق الشكـــا له تقـــــــدم & ورجله على نوماس يتعب خطاها



رجالهم في ماقف العـز مهتــــــــــــــم & اللي بيوم الضيق يذري ذراهـــــا



رجال السويط اللي على الطيب تجزم & خذوا مباديها وزادوا وراهـــــــــا



كن المراجل في يديهــــــم تقســـــــــم & صفحات مجد تعجب اللي قراهـــا



وفي معجزات الطيب تاريخهـم تــــــم & بمصقلات طلعـت من خباهــــــــا



الحثربي فكـوه والجمـــــع يـــــــــردم & ضاقت به الدنيا وضيق فضـاهــــا



في ساعه ماله صـديــق ولاعـــــــــــم & وفكوه من ناس تدورا قضـاهــــــا



زبن معطرة النمـش قبـــل يعـــــــــدم & والخيل بالميدان ما احد حصـاهـــا



وصار الطراد وغبر الجـو واكتـــــــم & يا سعد والله من لجا في حمــاهــــا



وعيوا به المرشـد على كــــل من زم & نفسه عن الشدات حاشوا رضاهــا



والثانيه قصيرهــم دوم يحشـــــــــــــم & اللي عرف تاريخهم مــــا نساهـــا



ذبحة ولدهم بالتواريـــخ ترســــــــــــم & وجلوا عن الكبد العذيــه صداهــــا



ذبحوه عند الجار قبــــل يتفلهـــــــــــم & سويطات ساقت جارها من ضناها



ومر بذبحة والده مــا تهضــــــــــــــم & موته عقوب وش سبب منتهاهــــا



والثالثه فيها هل العـــرف تعلـــــــــــم & وعاف الحياة اللي قليل حلاهــــــا



علم بصيحة جارته قبـــل يعلــــــــــــم & يا عل روحه بالجنان مهواهــــــا



كظم وجسمه عقب غيظـــه تحطــــــم & تنومس اللي بالمجالس حكاهـــــا



فعايل ما هي مع النـــاس تكتـــــــــــم & واللي بحث عن الحقايق لقاهـــــا



نبي نفهم من نشد ليـــن يفهـــــــــــــم & شيخ الظفير اللي يكف ومراهــــا



يبحث عن اللي بالشكالـــه تزعـــــــم & اللي جميع الطايلات احتواهــــــا



عجمي السويط اللي على الطيب يقدم & دخل مواقيف الشرف واحتماهــا



وفيصل سناده بالمــــــراجل تلـــــزم & في جاه منزل غيثها من سماهـــا



عساه من كل العواثيــــــر يسلــــــــم & سياسته ما كل رجل قواهـــــــــا



اقطع من البالود وامضى من الســــم & الناس نعرف ميلها من قداهـــــا



ولا نيب حال اللي بعرفه تغيشـــــــم & اعداد رمل القاع واللي وطاهــــا


وصلوا على اللي بالعداله تيمـــــــــم & اعداد رمل القاع واللي وطاهــــا

فوازبن سويط

رمـــز الظفیر

تحمیل شيلة قنبلة الظفير

قصيده مرثيه لشيخ الوالد عجمي بن سويط (رحمه الله تعالى) للشاعر مطلق زياد العريفي


قال الذي فى نادر القاف يـــــــــزداد
بغيت أعبر عن خفــــــايـــا مــرادي

رتبـــت قافي عن حكي كل نقـــــــاد
لو دار مايلقي عليه انتقــــــــــــادي

البارحه ما هملج الجفن برقـــــــــاد
والعين مني ما اهتنت بالرقــــــادي

باسباب علم حط بالقلب وقــــــــــاد
وكن الضمير بوسط حامي الوقادي

قالوا توفى شيخنا رمز الامجـــــــاد
وكثر التمني ما يجيب الفــــــــوادي

مرحوم يااللي بالصعيبات ســــــداد
ويا عز من حده من الوقت حـــادي

عجمي السويط اللى للامجاد معتـاد
شيخ على زود المناعــــــــير زادي

فك السجين اللي للاعدام ينقــــــــاد
وخلاه ينعم بالـسنـيـن الجـــــــدادي

زبن الدخيل اللي تقفاه طــــــــــراد
تشهد له شيوخ العرب والـبـــوادي

وكم واحد من عقب الانكاف ماعـاد
ايام دور مقولمـــات الـتـــــــــوادي

يشهد اللي حاضر دور الاجـــــــداد
ويشهد له التاريخ سقــم المـــعادي

وكم واحد جاله على العلم نشـــــاد
بده ابو فيصــــل على كل بـــــــادي

افعال ابو فيصل بلا عـد واعـــــداد
ماتنحصي لو تنبغـــــا بالعــــــدادي

راعي العلوم الخالده نسل الاجــواد
سويطات لاطال المـــدى والطرادي

زادواعلى بعض العرب عدة امجاد
شي صحيح موكد باعتمـــــــــــادي

الاوله: ذبحت ولدهم بلا مــــــــراد
باسباب جار البيت شي وكـــــــادي

وعقوب يومنه تنخا ولاعــــــــــــاد
باسباب صيحة جارة له تنــــــــادي

زهاد وصفه بالرجاجيل زهـــــــــاد
وآخر حياته ضربته للشـــــــــدادي

والحثربي فكوه والجمع هـــــــــداد
سويطات يومنه يناد المنــــــــــادي

هذي ثلاثه من كثيرات الاعـــــــداد
شي وكاد ولايبي له اشهــــــــــادي

وعقاب هو ومسير الخيــــــل وراد
يردون حوض الموت ضد المعـادي

وابن ضويحي للمعاديــــــــــن رداد
افعالـــــــهم ماهـــي علوم جـــدادى

مرحوم ياللي بسيرة الطايله جــــاد
جاد الامير اللي بالامجــــاد جــادي

باذن الذي له جملة الناس سجــــاد
عساه في جنة نعيـــــــم يـــــــزادي

خلف لنا فيصل بالامجاد ســــــــداد
حر ينومس في نهار الهـــــــــدادي

وشهيل ذيب الصعيبات يـــــــــزداد
يبين لازاد الطنــــا والنكــــــــــادي

تم الكلام وقال فيه ابن زيــــــــــــاد
بينت ماكنــــــه خفـوق الفــــــوادي

وصلاة ربي عد بارق ورعـــــــــاد
على نبي وصــح الحــق هـــــــادي

الشاعر / جمعه بن مطر الزعيري البوعليان السویطي { ابو اسکندر }

الأولى قصيدة مشتركه من مجموعة شعراء من الظفير

حنا الظفير .. وفعلنـا يرفـع الـراس=والكـل منّـا عـاش مرفـوع راسـه

حنا صنعنا المجد فـي يـوم ٍ إعمـاس=يوم العرب تشكـي حـروب و تعاسـه

حنا ذهب صافـي مرصّـع بالألمـاس=و كـل ٍ علـى الزلـة شديدإحتراسـه

حّنا هل الفزعات فـي موقـف اليـاس=نجلي عـن المضيـوم همّـه وباسـه

حنـا بخوّتـنـا مـعّـزة ونـومـاس=حنا الفخر.. اهلـه و ربعـه و ناسـه

حنا المزون السود صعبيـن الأمـراس=معانديـن المـوت .. نشـرب بكاسـه

حنـا لهـا يـوم إن الافكـار تنحـاس=وكـلاً علـى ماقيـل يلبـس مقاسـه

أفعالنـا عنـد العـرب مالهـا أقيـاس=واللـي يعادينـا تجـيـه إنتكـاسـه

ظفران؟ اي والله من العـرق للسـاس=ثوب الفخر.. و الطيـب حنـا لباسـه

مافيـه شكـه لا ولا فيـه وســواس=صغيرنـا للطيـب يــدرس دراســه

عدونـا بالحـرب يبشـر بـالأفـلاس=وقصيرنـا بالطيـب نضـوي عماسـه

ودخيلنـا بالضيـق عليـه حــراس=نغطي عليه رجـال عـون و حراسـه

يوم الكريهه يـوم حبسـات الانفـاس=تلقـى لنـا صولـه وعـز وفـراسـه

لو تجتمـع كـل القبايـل فـلا بـاس=كلن على الطـولات معـروف ساسـه

وشيوخنـا بالعـز والـعـز نـبـراس=اهل الكرم والطيـب واهـل الشراسـه

انخا السويط إن كنت تشكي من الاتعاس=أنخا الشيوخ أهـل الفكـر والسياسـه

ومنّا السعيد اللي على الحرب شـراس=أهل الفخـر والجـود وأهـل الرياسـه

ومنّا الكثير اللـي ليـا هـب نسنـاس=عدوهـم تظهـر عـلامـات يـاسـه

وقـت الشدايـد لا لفـا كـل عبـاس=ربعـي يعيشـون المعـادي عبـاسـه

و منا الجواسم ما وطوا درب الادنـاس=اهـل العلـوم الغانمـه و الحمـاسـه

و منا العريف اللي كمـا هـد قرنـاس=ترخـي الجبـال العاليـه بالسيـاسـه

و حسناننـا ايـااام تقطيـع الارمـاس=مثـل الشـرار تخـاف شـر التماسـه

و ذرعاننا للمجـد حبـر ٍ و قرطـاس=مسطريـن المجـد طيـب و ضراسـه

ولادندندت صوت المياديـن باجـراس=عسكـر ابـد مايعـرفـون انتكـاسـه

وان كنت ناوي معرفـة قـوة البـاس=تلقا اعلجاني طيـب مـع قـو باسـه

والا معدانـي ضربتـه كنهـا الفـاس=يوطـى علـى صابـر عـدوه مداسـه

حنا على الطولات مـا نعـرف اليـاس=نرقـى الطـوال ونستحـل الرئـاسـه

تشهـد لنـا كـل المخاليـق والنـاس=الكـل منـا عـاش مرفـوع راســه